Odoyaasha beelaha Hawiye ayaa soo saaray warbixin ku aadan qasaaraha uu geystay dagaalka ka socda Muqdisho

 

Odoyaasha beelaha Hawiye ayaa soo saaray warbixin ku aadan qasaaraha uu geystay dagaalka maalintii shanaad ka socda gudaha magaalada Muqdisho, iyadoo dagaalka ku eedeeyay inay sii wadaan dalal uu Mareykanka ku jiro.

Afhayeenka gudiga qiimeyta qasaaraha uu geystay dagaalada Muqdisho ka socda Xuseen Siyaad Qoorgaab ayaa Idaacada Simba u sheegay inay ka kooban tahay Khasaaraha Nafeed ee dagaalka, mid maal iyo bara-kac dadka rayidka ah, waxaana uu ku qeexay sida soo socota

• Dhimashada cusub ee dadka rayidka 115 qof.
• Dhaawaca cusub 312 qof
• Barakac cusub 70,000 qoys
• Bur burka hantida shan boqol oo malyan oo doollarka Mareykanka.

Qoorgaab waxuu sidoo kale ku eedeeyay in xasuuqa loo geysanayo shacabka Soomaliyeed ay 19 bishaan shaaca ka qaadeen Madaxweyne Cabdulaahi Yuusuf yo Ra'iisul-wasaare Meles Zenawi.

Qoorgaab ayaa waxaa uu wax laga xumaado ku tilmaamay madaafiicda aadka u daran oo ay ciidamda Ethiopian-ka ku garaacayaan magaalada Muqdisho.

Si kastaba ha ahaatee, arintaan ayaa kusoo beegmeysa xili maalintii shanaad dagaalo qasaaro xoogan geystay ay ka socdaan qeybo kamid ah magaalada Muqdisho.