18 ruux oo shalay laga dhoofiyay garoonka Baydhabo iyadoo la sheegay in Guantanamo-beyda Itoobiya loo wado.

 

Warar hoose oo aanu ka heleyno magaalada Baydhabo ayaa xaqiijinaya in illaa 18 ruux oo laga keenay magaalada Muqisho shalay gelinkii dambe laga dhoofiyay garonka magaalada Baydhabo.

Wararkan ayaa tibaaxaya in 18-kan ruux laga keenay xabsiyo ku yaala magaalada Muqdisho, lamase garanayo sababaha dadkan loo dhoofinayo.

Warar soo baxaya ayaa sheegaya in dadkani ay xabsiyada ku yaala magaalada Muqdisho si gaar ah uga soo xusheen sirdoonka ciidamada Itoobiya kuwaasoo u arkay in 18-kan ruux ay yihiin kuwo si weyn uga horjeeda siyaasada dowladda Itoobiya, una eg muuqaal ahaan waxa ay ugu yeeraan kooxaha Xagjirka iyo kuwa argagixisada ah.

Sidoo kale, dadkan ayaa la tilmaamay in loo dhaadhiyay xabsiyo qarsoodi ah oo ay dowladda Itoobiya ku leedahay qeybo ka mid ah ismaamulka Soomaalida Itoobiya iyo weliba magaalada Addis ababa, iyadoo la sii kala xuli doono dadkan.

Dowladda Itoobiya ayaa la tilmaamay in waayihii ugu dambeeyey ay ka furatay qeybo ka mid ah dhulalka ismaamulka Soomaalida ee Itoobiya iyo magaalada Addis ababa xabsiyo u eg kuwa Mareykanku dadka ku ciqaabo ee (Guantanamo-bey ee gacanka Kuba).

Lama garanayo, noocyada dadkani ay isugu jiraan, wallow la aaminsan yahay inay u badan yihiin dadweyne aan dembi laheyn oo laga qabqabtay qeybo ka tirsan magaalada Muqidsho kuwaasoo lagu raacay heybtooda Sunadda

 

 

 

Xasan Cali Geela  " Mogadishu"

 

 

 

 

webmaster@cigonet.com