Ciidanka Itoobiya oo sita dabaabka dagaalka caawimaadna ka helaya diyaaradaha dagaalka ayaa galay magaalada Muqdisho. Geedi iyo Xuseen Caydii oo Helicopte ciidanka Itoobiya leedahay ayaa lagu dejiyey magaaladda Afgooye. Dadwaynaha Muqdisho oo lixdii bilood lasoo dhaafay haystay nabadgelyo iyo kala danbayn ayaa haatan soo wajahday fawdo iyo mustaqbal aan la ogayn.

Dadka aragtida iyo kuwa damiirka leh intaba ayaa u arka in ay tahay maalin madow oo taariikhda soomaaliyeed soo foodsaartay, iyadoo Malez Zenawi taariikhda Itoobiya uu ka geli doono baaldahab maadaama isagoo haya xukunka Itoobiya ay kaarayaashiisa dhex mushaaxeen magaalada Muqdisho caasimada Soomaaliya. Tani waxay la mid tahay Kaarayaasha Hindiya oo Islamabad, caasimadda Pakistan dhex taagan.
 
Sidoo kale ayaa daka ku xeel dheer dagaalka caynkaan ahi ay ku faalloonayaan in jabka iyo guudarada ay ku danbayn doono ciidanka soo duulaay maadaama ay jiraan ciidan xoogan oo kasoo horjeeda kuwaasoo ciidooda iyo dalkooda ku dhex diririya gacana ka helaya daka iyo dhulka intaba. Waxaa kaloo ciidanka iskaacabinta wada caawin doono xadgudubka ay gaysanayaan ciidanka Itoobiya iyo kuwa ay gaysan doonaan intaba. Taariikhdu ma sheegin in ciidan soo duulay iyo kuwii uu kaarayaasha ku keenay oo guulaystay, sababtoo ah danaha labadaas qolo waa ay isdiidayaan