Ka Xoreynta Soomaaliya Ciidanka Itoobiya Iyo
dabadhilifyadooda Oo Si Wanaagsan U Socda.
Magaaladda Muqdisgo ayaa maanta goobo kamida laga
sifeeyay asgarta Itoobiyaanka ah iyo dabadhilifyada Imabagati kadib
markii ay dagaalo culus ka dheceen labadii maalin ee lasoo dhaafay.
Dagaaladaas ayaa jab wayn loogu geystay ciidanka Gumaysiga Itoobiya
iyo kuwa maleeshiyadda calooshood u shaqeysta yaasha ah.
Dagaaladda ayaa haatan ka socda
Isgoyska KM4 iyo Iskuulka Imaamu Shaafici, iyagoo meelkastana la
dhigay jidgooyo. Dagaalka oo maanta isku bedelay kacdoon shacbi ah
ayey ka danbaysay kadib markii ciidanka Itoobiya ay shalay xasuuqeen
dad rayad ah oo toboneeyo ruux ku dhow.
Maleeshiyada maamulka Mbgathi ayaa si wayn u kala
daadatay iyadoo ciidanka Itoobiyanka oo dagaalkii shalay ilaa 20 askari
ku dhowaad looga dilay uu niyad jab wayn ka muuqdo. Ciidamo Itoobiyan ah
oo marayey wadada Maka Al-mukaramah oo ah marin keli ah ee ay maraan
ayaa weerar lagu qaaday iyadoo hadii kaa laga xiro ay adkaan doono isku
socodka ciidanka Itoobiyaanka.
Itoobiyaanka ayaa haatan ku aruursan xeryihii ciidan ee ay deganaayeen,
iyadoo ay mudaaharaadyo rabshooyin wata ay ka socdaan dhamaan xaafadaha
Muqdisho. Meelaha uu mudaaharaadku ka socdo ayaa waxaa ka mid ah
agagaarka Karoonka kubadda Cagta ee Muqdisho halkaasoo ay ciidamo
Itoobiyaan ah ku xareysanyihiin. Xoogaga Muqaawamadda ayaa gacanta ku
ahayaa dhamaan Xaafadaha Al-baraka, Sheekh Cali Suufi, Hawlwadaag.
