Dagaal culus oo Ciidamo Ethiopian ku qabsaday gelinkii dambe ee maanta Inta u dhaxeysa Matabaan iyo Guriceel, ilaa caawana soconaya

Wararka naga soo gaaraya Deegaanka Bacda ee Gobolka Hiiraan ayaa sheegaya in dagaal qaraar uu halkaas ka soconaya, kaasoo u dhaxeeya Ciidamo Ethiopian ah iyo kooxo hubeysan oo maalmahan isku uruursanayay Gobolkaas.

Dagaalkan ayaa yimid kadib markii Gawaari Ethiopian jidka loo galay kuwaasoo mareysay inta u dhaxeysa Degmooyinka Matabaan iyo Guriceel ee Gobolada Hiiraan iyo G/gaduud.

Wararka ayaa sheegaya in weerarkaas kadib labada dhinac si toos ah isugu dhaceen, waxaana la sheegayaa in Ciidamo kale oo Ethiopian ah oo ka yimid dhinaca iyo Degmada Guriceel ay dagaalka ku biireen.

Wariyeyaal ku sugan magaalada Beled Weyn oo 42km u jirta goobta ay dagaalada ka soconayaan ayaa sheegaya in ilaa shan askari oo Ethiopian ah ay ku dhinteen Dagaalkaas.

Warar iyana laga helayo Deegaanka Jiirta-Qabno oo u dhow Degmada Guriceel ayaa sheegaya in qasaare lixaad leh uu soo gaaray Ciidamada Ethiopianka.

Ciidamada Ethiopia oo gelinkii hore ee maanta soo gaaray Degmada Matabaan oo agagaaraheeda lagu arkay dagaalyahano hubeysan ayaa intii ay joogeen aysan waxba la kulmin, balse markii ay sii baxayeen ayaa la xaqiijiyay in wadada loo galay.

Wixii warar ee ku soo kordha kala soco wararkeena Dambe

cigonet.com