Ciidamada AMISOM oo saaka ku faafay Jidka Warshadaha, dibna uga soo laabtay dagaalo ku qabsaday kadib

Ciidamada AMISOM ayaa waabarigii saaka ku faafay Jidka Warshadaha, iyadoona dagaalo ku qabsaday wadadaas intii ay ku guda jireen ku faafidooda, waxaana kadib saacado dib uga soo laabteen wadadaas.

Howl galka AMISOM oo ahaa mid filan waa ah ayaa waxaa mar kaliya kula jarmaadeen Warshadaha Gawaarida gaashaaman oo ay ku jiraan Taangiyada, iyagoo tagay Wasaaradii gaashaandhiga ilaa Ifka Xalane.

Dagaalo kooban oo lagala hortagay kadib ayaa la sheegay inay ka dhasheen qasaare kala duwan oo Rayid soo gaaray, waxaana wali kala cadeyn qasaaraha rasmiga ee dhinacyada soo gaaray.

Xoogaga Kacdoonka ayaa weeraro ku ekeeyay Ciidamada, kadib markii sida la sheegay ka soo laabteen meelihii ay ku fideen, waxaana dhaq dhaqaaqooda ahaa mid ay ugu kuur galayeen xaalada.

Afhayeenka u hadlay Ciidamada AMISOM ayaa sheegay in dhaqaaq ay ka sameeyeen wadadaas kadibna ay dib uga soo laabteen, waxaana uu beeniyay in iska caabin lagala hor yimid.

Si kastaba ha ahaate dhaq dhaqaaqan cusub oo ahaa kii u horeeyay ayaa waxaa uu calaamad u yahay isku dayga ay AMISOM ku dooneyso inay Mustaqbalka fariisimo ka dhigtaan qeybo ka mid ah xeryaha ku yaala Wadada Warshadaha

Xuseen Cali  Nuur " Mogadishu"

"cigonet.com"