Sheekh Yusuf Maxamed Siyaad ”Indhacade’’ oo dhowaan loo magacaabay xoghayaha gaashaandhiga ee Isbahaysigii dhowaan lagu dhisay dalka Eritrea oo Waraysi siiyay Maanta Idaacadda BBCSomali ayaa sheegay  in dagaaladda ka dhacaya Muqdisho ay u dhexeeyaan iyaga iyo Ciidanka Ethiopia.

Waxaa kaloo uu sheegay in ay difaacayaan dalkooda oo uu sheegay in ay soo weerareen Ciidanka Ethiopia iyo Dawladda kumeel gaarka oo uu ku tilmaamay calooshood u shaqaystayaal.

Indhacade ayaa sheegay in aysan jirin khilaaf u dhexeeya Shabaabka iyo Muqaawamada, waxaana uu sheegay in uu isagu kamid yahay Shabaabka oo aanay jirin wax khilaafaad ah oo u dhexeeya kadib markii todobaadkii lasoo dhaafay uu sheegay Abu Mansuur in aysan aqoonsanayn Isbahaysiga Asmara lagu soo dhisay.

Indhacade waxaa uu tilmaamay in ay ugu baaqayaan caalamka in si dag dag ah loosoo dhexgalo arinta Soomaaliya oo laga hortago xadgudubyada ka dhacaya dalka Soomaaliya ee ay gaysanayaan ciidanka Ethiopia ee haatan dalka ku sugan.