Shir ay isugu yimaadeen jaaliyaddaha Finland iyo Norway oo ka shiray horuumarinta degmada Galcad.

Shir ay isugu yimaadeen jaaliyaddaha Finland iyo Norway  oo ka shiray horuumarinta degmada Galcad iyo tuulooyinka hoos yimaada. Shirka ayaa lagu soo bandhigay filim iyo warbixino muujinaya  mashaariic dhowr ah oo laga hirgeliyay degmadda Galcad iyo Messagawaay kuwaas oo kala ahaa: dhismaha Xarunta degmada Galcad , Guriga martida , xabsi oo laga hirgeliyay degnadda Galcad iyo degaanka messagawaay oo laga hirgeliyay Dugsi Hoose oo lagu magac daray Sheikh Ibraahim Primary School , Isbiltaalkii oo dayactir lagu sameeyay dibna loo weynaayay iyo saldhig booliis.

Jaaliyaddaha Filnland iyo Norway waxaa ay  aad ugu farxeen isku duubnida ay muujiyeen jaaliyaddaha dibada iyo kuwa dalka gudiisa iyo dadaalka uu muujiyay sheikh Caamir Sheikh Ibraahim , gudoomiyaha degmada Galcad Cabdiramaan Maxamuud Yabaroow taas oo suura gelisay in maanta degmadda Galcad iyo degaanka messagawaay ay helaan goobo loogu adeego dadka sida Isbitaal , Iskuul, Isteeshin iyo maamul.

Nabaad Guurka Dhulka 

Jaaliyaddaha Finland iyo Norway waxaa kale oo ay ka shireen sidii wax looga qaban lahaa dhibaatada nabaad guurka. Qodobkaan waxaa loo arkay inuu yahay mid muhiim ah maadaama uu nabaad guurku saameyn ku yeelanayo nolosha bulshada degaalka degmooyinka Galcad iyo Ceeldheer iyo degaanada hoos yimaada.

Dood dheer kadib waxaa laysla gartay in ay muhiim tahay in wax laga qabto nabaad nabaad guurka. In la sameeyo wacyigelin ah in aan laga jarin geedaha meelaha u dhow magaalooyinka , in lagu talaalo dhir hareeraha magaalooyinka.

ugu danbeyn waxaa laysku raacay in lala xiriiro maamulka degmada iyo jaaliyaddaha kale lagana dhegeysto sida ay latay ugu danbeyna la qaato talaab wada jir ah. Shirka waxaa uu ku dhamaaday guul. Waxaana hambalyo loo soo jeediyay Sheikh Caamir , gudoomiyaha degmada Galcad Cabdirahmaan Mahamuud Yabaroow iyo Maxamad Xaaji Cali.

Ka qeygalayaasha shirka waxaa kamid ahaa:

1.Muuse Ibraahim Rooble

2.Cabdullahi Maxamad Yallaxoow

3.Bashiir Ibraahim Rooble

4.Ibraahim C/casiis Sheikh Ibraahim(Ibraahim Galcad)

5.Inj. Cabdirahmaan Maxamad Faarax Hilowle

6.Inj. Cabdi Macalin Cumar

Cigonet.com

webmaster@cigonet.com